|
|
| “Kıymetli miras” proyekti qırımtatar
aynennilerini ogrenmek, toplamaq ve bir sistemağa
qoymaq maqsadınen vucutqa ketirilmendir.
O 2008 senesi avgust ayında başlağandır. 3 ay devamında
(sentyabr-noyabr 2008 s.) “Köz aydın” Resurs-informatsion
merkeziniñ volontörları Qırımnıñ
çeşit yerlerinde faal çalıştılar.
Proyekt Batoriya fondı mini-grandlar
programmasına bağlı “Aist” Hayriye fondınıñ
qoltutuvı sayesinde amelge keçirilgendir.
Qırım köyleri boylâp keçirilgen ekspeditsiya neticesinde
toplanğan halq türküleri materialı
vastasınen “Qıymetli miras” proyektiniñ
esas maqsadı yerine ketirilgendir.
|
| |
|
| |
|
Özgün videomateriallarnı qayd etmek maqsadınen
Aqmescit, Bağçasaray, Saq ve Qarasuvbazar
rayonlarına barıldı. Ablay rayonı
ile Yaltadan kelgen materiallar ise bizge MMS-mesajalrı
ile audio-fayllar olaraq yollandı.
Bizge seslenip proyektimizde iştirak etken
- Sakibe
Suleymanova (Oysun rayonı, Vinogradnoye köyü),
- Fatime
Çelebiyeva (Aqmescit rayonı Beloye köyü),
- Feride
Abdukerimova (Oysun rayonı, Vinogradnoye köyü),
- Uriye bita
(Aqmescit),
- Gulizar
Ebubekirova (Qarasuvbazar rayonı Tsevetoçnoye köyü),
- Mayre Seferova
(Yalta),
- Munire
Emirsaliyeva (Saq rayonı Çervonoye köyü),
- Zemine
Adamanova (Oysun rayonı Batal’noye köyü),
- Zore İsmailovalarğa
(Sudaq rayonı Taraqtaş
köyü)
teşekkür bidiremiz.
|
|
|
|
|
|
| Proyektten haberi olur-olmaz
“Qırım” Radio-kampaniyasınıñ
baş muharriri Server Bekirov da bizge yardım qolunı uzattı.
Server Bekirov şahsiy arhivinden bizge Ediye
Topçı, Sakine Nalbandova, Nermine Kurbedinova, Hatice Seytabdulova
ve Elvina Kakura icrasındaki 6 dane aynennini yazdırıp berdi.
|
|
|
|
|
|
| “Qıymetli miras” proyektiniñ informatsion
qısmına qırımlı muhbir Gulnara
Useinova qoltutqandır. Onıñ “Spoyöm ayneni” adınen
çıqqan bir qaç maqalesi sayesinde “Golos
Krıma” gazetasınıñ oquyıcıları
proyektten haberdar oldu. “Köz aydın” RİMe
türkülerniñ metinleri, qartlarımıznıñ
adreslerini bildirgen mektüpler kelip başladı,
telefon vastasınen bir qaç dane MMS-mesaj
ve audio-fayl yollnıldı. |
| |
|
|
|
|
Qırımnıñ çeşit yerlerine baruv neticesinde
“Köz aydın” RİM volontörları
qırımtatar folklorına ait pek zengin
video-materiallar toplamağa nail oldular.
|
 |
Toplanğan enntnografiya materiallarını sistematizatsiya
yapılıp ve işlenmesi neticesinde işbu
İnrternet-resurs saifesi açılmasına
qarar berildi.
Aynı zamanda web-saytnıñ CD versiyası da azırlanğandır.
“Qıymtli miras” proyektiniñ er bir iştirakçisi
añılğan “Aynenni” CDsiniñ saibi
olacaqtır.
|
|
|
|
Soñunda yalıñız, “Qıymetli miras”nen
bağlı işimiş alâ daa devam
etkenini qayd etip qala.
Yaqın zamanda barılacaq yerlerimiz
- “Aynenni” web-saytına yañı materiallar ilave etilecektir
Sizlerniñ teklif ve yardımlarıñıznı
bekleymiz.
|
| E-mail:
koz-aydin@rambler.ru |
|
Sevgi ile proyekt
kordinatorı
Zarema Hayredinova
|
|
Başına al |
|